ნაციონალური მოძრაობის ლიდერი დავით ბაქრაძე სამეგრელოში პარტიის რაიონულ ორგანიზაციებს ხვდება. სენაკსა და აბაშაში შეხვედრების შემდეგ იგი ზუგდიდის ოფისში შეკრებილ პარტიის წარმომადგენლებს და აქტივისტებს შეხვდა.
შეხვედრაზე ისაუბრეს და 8 ოქტომბრის არჩევნებზე გამოვლენილი დარღვევების შესახებ და განიხილეს მეორე ტურის წინასაარჩევნო კამპანიის საკითხები.
„სამეგრელოში შვიდი საარჩევნო ოლქიდან 6-ში ტარდება მეორე ტური და ექვსივეგან მონაწილეობენ ნაციონალური მოძრაობის წევრები. ამიტომ, პარტია მზად არის პოლიტიკური ბრძოლის გაგრძელებისთვის. ჩვენი კანდიდატები იბრძოლებენ ყველა უბანზე,“ – განაცხადა დავით ბაქრაძემ.