,,მოარული შიში, რომ ბინადრობის მოწმობის მიღება უპირობოდ უხსნის გზას ვინმეს აფხაზეთის მოქალაქეობისაკენ, უსაფუძვლოა – განაცხადა ოკუპირებული გალის ადმინისტრაციის უფროსის მოვალეობის შემსრულებელმა თემურ ნადარაიამ გუშინ სოხუმში გამართულ პრესკონფერენციაზე, რომელიც რაიონში ბოლო ცხრა თვის განმავლობაში ჩატარებული მუშაობის შედეგებს მიეძღვნა – აბა, როგორ შეიძლება მის მფლობელს, რომელიც ამავე დროს სხვა ქვეყნის მოქალაქეა, ჰქონდეს აფხაზეთის მოქალაქეობის მიღების შანსი? ''
,,ჩვენ მივმართავთ პარლამენტის დეპუტატებს მხარი დაუჭირონ პრეზიდენტის ინიციატივას კანონში ,,აფხაზეთში უცხო ქვეყნის მოქალაქეთა სამართლებრივი სტატუსის შესახებ’’ შეტანილ იქნას ცვლილება, რომელიც ბინადრობის მოწმობის მიღების შესაძლელობას მისცემს გალის რაიონის მკვიდრთ, რომელნიც 1999 წლიდან, ათ წელზე მეტია გაუსვლელად, მუდმივად ცხოვრობენ ჩვენს ქვეყანაში'' – დასძინა მან. – ეს მოხსნის მრავალ პრობლემას, რომელსაც გამუდმებით ვაწყდებით . მე ვიცი, რომ პარლამენტი ძალიან მალე განიხილავს ამ საკითხს. აქ ლაპარაკია არა მოქალაქეობაზე, არამედ ბინადრობის მოწმობის გაცემაზე იმ ადამიანებისთვის, რომელნიც აცხადებენ, რომ უცხო ქვეყნის მოქალაქეები არიან. ისინი ჩვენთან ცხოვრობენ, ჩვენ ვაძლევთ მათ ბინადრობის მოწმობას და ამ საბუთით შეიძლება განვლონ აქ მთელი ცხოვრება, რადგან მისი ვადა ხუთწლიანია, და ყოველი ვადის ამოწურვის შემდეგ ხელახლა შეიძლება გაიცეს – ეს ასე გაგრძელდება მანამ , სანამ უარს არ იტყვიან უცხო ქვეყნის მოქალაქეობაზე.
ამდენად, ბინადრობის უფლების დამადასტურებელი მოწმობა არანაირ კავშირში არ არის აფხაზეთის მოქალაქეობის მიღების შესაძლებლობასთან და დროა გადაწყდეს ჩვენი ყველაზე დიდი პრობლემა გალის რაიონში – იქ მცხოვრები ქართვული მოსახლეობის დოკუმენტირება.