ზუგდიდში ამოქმედებული თხილის საწარმო „ჯიენ კომპანი“ წლიურად 396 ტ. მოხალული მთელი და დაჭრილი თხილის გულს/ფქვილს აწარმოებს.
პროდუქცია ევროკავშირის ქვეყნებში ძირითადად გერმანიაში, საფრანგეთსა და იტალიაში საექსპორტოდაა განკუთვნილი.
საწარმოში ორმოცამდე ადამიანია დასაქმებული.
საწარმო „სასოფლო-სამეურნეო პროდუქციის გადამამუშავებელი და შემნახველი საწარმოების თანადაფინანსების პროგრამაშია ჩართული, და გეგმავს ISO-ს სერთიფიკატის მიღებასაც სოფლის მეურნეობის პროექტების მართვის სააგენტოს და USAID/REAP-ის მხარდაჭერით, რომელმაც უნდა აამაღლოს პროდუქციის ხარისხი.
დღეს საწარმოს სოფლის მეურნეობის მინისტრი ლევან დავითაშვილი ესტუმრა, მასთან ერთად და საწარმოო პროცესს გაეცნენ სამეგრელო-ზემო სვანეთის გუბერნატორი ლევან შონია და სოფლის მეურნეობის პროექტების მართვის სააგენტოს დირექტორი ალექსანდრე ნასარიძე გაეცნენ.