,,სოხუმში აფეთქების დროს დაღუპული მამაკაცი როსტოვის ოლქის მკვიდრია და აფხაზეთში ჯერ კიდევ 2 ოქტომბერს ჩამოვიდა'' – იტყობინება ოკუპირებული აფხაზეთის დე–ფაქტო უშიშროების საბჭოს მდივანი მუჰამედ კილბა – დადენილია, რომ ტერაქტი, რომლის განხორციელებას იგი გეგმავდა, მიმართული იყო კონკრეტული აფხაზი პოლიტიკოსის წინააღმდეგ. დაღუპულის სახელი და გვარი ამ დრომდე არ სახელდება, არ ხმაურდება იმ პოლიტკოსის ვინაობაც, რომლის წინააღმდეგაც იგეგმებოდა ტერორისტული აქტი.
როგორც კილბა ამბობს, ცნობილია, რომ დაღუპული მამაკაცი არ ყოფილა თვითმკველი და გაუფრთხილებლობით აფეთქდა ბომბის საბრძოლო მოქმედებაში მოყვანის მცდელობისას, ასევე ცნობილი გახდა, რომ მამაკაცი ზაფხულშიც იყო ჩამოსული აფხაზეთში მეგობართან ერთად, როგორც ჩანს, სიტუაციის ადგილზე გაცნობის მიზნით.
სამართალდამცავი ორგანოების ინფორაციით, იგი შემჩნეული იყო რუსეთის ფედერაციის რამდენიმე რეგიონში. არ არის გამორიცხული, რომ ტერორისტს თანამზრახველები ყავდა აფხაზეთშიც და როსტოვშიც. .მიმდინარეობს მათი გამოვლენისა და დაკავების ღონისძიებები
,, ამჟამად დგინდება მისი შესაძლო კავშირები როსტოვის ოლქში'' – დასძინა მან სააგენტო ТАСС – ისთვის მიცემულ ინტერვიუში.
უშიშროების საბჭოს მდივანი არ გამორიცხავს, რომ ტერორისტის თანამზრახველების ვინაობის დადგენაში დახმარებისათვის აფხაზეთის სამართალდამცავებმა შეიძლება რუს კოლეგებს მიმართონ.
აფეთქების დროს ტელევიზიის თანამშრომელთაგან არავინ დაშავებულა, სოხუმის საქალაქო პროკურატურამ საქმე აღძრა აფხაზეთის სისიხლს სამართლის კოდექსის მუხლებით ,, ტერორიზმი’’ და ,, ასაფეთქებელი მწყობილობის უკანონო შეძენა, შენახვა, გადატანა და ტარება’’