გივი თარგამაძის მანქანის აფეთქებასთან დაკავშირებით აღძრული მუხლისთვის კვალიფიკაციის შეცვლას ითხოვს სამოქალაქო სექტორის ნაწილი არასამთავრობო ორგანიზაციები აქცენტს ეფექტურ და დროულად ჩატარებული გამოძიების მნიშვნელობაზე აკეთებენ, რაც შექმნილ ვითარებაში მდგომარეობის კიდევ უფრო დაძაბვის თავიდან ასაცილებლად აუცილებელია..„ძალადობრივი ინციდენტები, რომლებიც განვითარდა გორში დიდინიძში და თბილისში მომხდარი აფეთქება. ძალიან მნიშვნელოვანია, რომ ამ საკითხებზე მსჯელობამ პოლიტიკის და პოლიტიკური ურთიერთბრალდებების სივრციდან გადაინაცვლოს სამართლებრივ სივრცეში,“-აცხადებს საიას თავმჯდომარე ანა ნაცვლიშვილი.განცხადებას კიდევ ერთხელ აკეთებს  სახალხო დამცველიც. გარდა ამისა უჩა ნანუაშვილი გამოძიების დასრულებამდე პოლიტიკოსებს პოლიტიკური შეფასებებისგან თავის შეკავებას ურჩევს.„პოლიტიკოსებს მოვუწოდე, რომ თავი შეეკავებინათ პოლიტიკური შეფასებებისგან. აუცილებელია სამართალდამცავებმა საკუთარი საქმიანობა მაქსიმალურად მოკლე დროში ეფექტურად აწარმოონ. აუცილებელია ამ აფეთქების დაუყოვნებლივ გამოძიება ცხელ კვალზე. მათ შორის არჩევნებამდე პერიოდში, რადგან ასეთ ფაქტებს შეუძლია სერიოზული გავლენა მოახდინონ წინასაარჩევნო პროცესებზე,“-განაცხადა უჩა ნანუაშვილმა.