გამოქვეყნდა სოციოლოგიური კვლევის კომპანია GFK – ს მიერ რუსთავი2-ის დაკვეთით შესრულებული მესამე წინასაარჩევნო გამოკითხვის შედეგები.
პირდაპირი წესით გამოკითხვის შედეგებით, ენმ-სა და ქართულ ოცნებას შორის რეიტინგებში 1%-იანი სხვაობით ოპოზიციური პარტია უგებს მმართველ გუნდს.
არჩევნებამდე ზუსტად ერთი კვირით ადრე, კითხვაზე, რომელ პარტიას მისცემს ხმას ამომრჩეველი, თუ მონაწილეობას მიიღებს საპარლამენტო არჩევნებში, შედეგები ასე გადანაწილდა – ერთიან ნაციონალურ მოძრაობას ხმას აძლევს გამოკითხულთა 26%, ქართულ ოცნებას – 25.4%.
თბილისში ნაციონალურ მოძრაობას 24,4%-იანი მხარდაჭერა აქვს, ქართულ ოცნებას კი – 23,3%, დედაქალაქში ენმ ქართულ ოცნებას 1%-ით უსწრებს. რაც შეეხება რეგიონებს, აქ ”ნაციონალურ მოძრაობას” ხმას 26.5%, ”ქართულ ოცნებას” კი 26.2% მისცემდა.
. რიგით მესამე კვლევის შედეგების თანახმად, ”ნაციონალური მოძრაობა” წინა ორ კვლევასთან შედარებით ”ქართულ ოცნებას” 0.6% უსწრებს.
წინასაარჩევნოდ საზოგადოებრივი აზრის გამოკითხვა, კომპანია GFK-მ 2016 წლის 12-25 სექტემბერის პერიოდში საქართველოს მასშტაბით ჩაატარა. პირდაპირი გამოკითხვის გზით გამოიკითხა 2200 სრულწლოვანი მოქალაქე, რომელსაც ხმის მიცემის უფლება გააჩნია. შესაძლო ცდომილება +/–2.1%-ია.