„კომერსანტი“ საკუთარ წყაროებზე დაყრდნობით იტყობინება, რომ კრემლი ახალ ძალოვან სტრუქტურას შექმნის. – სახელმწიფო უშიშროების სამინისტროს, რომელიც გააერთიანებს ე.წ. ФСБ-ს, საგარეო დაზვერვის სამსახურსა და დაცვის ფედერალური სამსახურის რამდენიმე განყოფილებას.
როგორც „კომერსანტი“ წერს, ამ რეფორმის შედეგად, რუსეთის უშიშროების ფედერალურ სამსახურს ფაქტობრივად, ე.წ. КГБ-ს ფუნქციები მიენიჭება.
გამოცემის თანახმად, რუსეთის ხელისუფლება 2018 წლის საპრეზიდენტო არჩევნებამდე ძალოვანი და სამართალდამცავი ორგანოების მასშტაბურ რეფორმირებას გეგმავს.
რეფორმის ფარგლებში რუსეთის საგამოძიებო კომიტეტი გენერალური პროკურატურის დაქვემდებარებაში გადავა, ხოლო საგანგებო სიტუაციების სამინისტროს ფუნქციებს თავდაცვისა და შინაგან საქმეთა სამინისტროები შეითავსებენ.