დიდი ბრიტანეთის ყოფილმა პრემიერმინისტრმა დევიდ ქემერონმა, პრემიერმინისტრის პოსტიდან გადადგომის შემდეგ, დეპუტატის მანდატზეც უარი განაცხადა. ამის შესახებ „ბი-ბი-სი“ იუწყება.
ქემერონი საკანონმდებლო ორგანოში თანამდებობას ტოვებს. ყოფილი პრემიერი თემთა პალატაში ოქსფორდიშირის საგრაფოს, უიტნის ოლქის დეპუტატი იყო. მისი თქმით, უიტნის ოლქში არჩევნები გაიმართება და ყველაფერს გააკეთებს იმისთვის, რომ კონსერვატული პარტიის წარმომადგენელმა გაიმარჯვოს.დევიდ ქემერონმა პრემიერმინისტრის თანამდებობა, მას შემდეგ დატოვა, რაც მიმდინარე წლის ივნისში ჩატარებული რეფერენდუმის შედეგად, ქვეყნის მოსახლეობის უმეტესმა ნაწილმა, ევრკავშირიდან გასვლას დაუჭირა მხარი.