ერთიანი ნაციონალური მოძრაობის საარჩევნო სია პარტიის ცენტრალურმა ოფისმა რეგიონული ოფისების ჩართულობით დააკომპლექტა, განსხვავებით ქართული ოცნების სიისაგან, რომელიც ივანიშვილის მიერ არის დაკომპლექტებული.- განცხადება ამის შესახებ დეპუტატმა გიორგი კანდელაკმა კურიერში გააკეთა.
,,ჩვენს სიაში არიან ადამიანები, რომლებიც შეიძლება, ეროვნულ დონეზე არ არიან ცნობილები, მაგრამ რეგიონში, იმ ქალაქში, სადაც ცხოვრობენ, ცნობილები არიან,"- დასძინა მან. – სიაში ძალიან ცნობილი სახეების დიდი ნაწილი ვერ მოხვდა, მათ შორის გიორგი გაბაშვილიც, რომელიც რამდენიმე მოწვევის პარლამენტში იყო და პარტიის გამორჩეული ლიდერია. ''
დეპუტატმა სანდრა რულოვსის პოლტიკაში მოსვლის მიზეზებზეც ისაუბრა.
"სანდრა რულოვსი, როცა პირველი ლედი იყო , არაერთი მნიშვნელოვანი საქმით იყო დაკავებული. ის არაერთი სამედიცინო პროგრამის ინიციატორია, თუნდაც, მკერდის კიბოს პროგრამის და სხვა. ქალბატონმა სანდრამ, როგორც ამ ქვეყნის პატრიოტმა, პასუხისმგებლობის გრძნობის მქონე ადამიანმა მიიღო გადაწყვეტილება, რომ წვლილი უნდა შეიტანოს ქვეყნის გადარჩენის საქმეში," – განაცხადა კანდელაკმა.