სოფელ ჯიხაშკარში ნაციონალური მოძრაობის მაჟორიტარი კანდიდატის შეხვედრაზე ინციდენტი მოხდა. შეხვედრის მსვლელობისას რამდენიმე პირი ხმაურითა და სტვენით შემოვიდა იმ ადგილას, სადაც შეხვედრა ტარდებოდა. იყო პროვოკაციის მოწყობის მცდელობა, უცნობი პირები აგრესიით გამოირჩეოდნენ ჟურნალისტებისა და ოპერატორების მიმართაც, ხელით ეხებოდნენ კამერებს და მიკროფონებს და გადამღებ ჯგუფს მუშაობის საშუალებას არ აძლევდნენ. სიტყვიერი დაპირისპირება „ნაციონალური მოძრაობის“ მხარდამჭერებსა და უცნობ პირებს შორის დაახლოებით ნახევარ საათს გაგრძელდა. შეხვედრაზე მოსულმა ადგილობრივებმა სოფლის ცენტრიდან გააძევეს პროვოკაციის მომწყობი მამაკაცები. ჯიხაშკარელები ამბობენ, რომ ესენი ადგილობრივები არ არიან და მათ უნდოდათ შეხვედრის ჩაშლა და კორცხელის ინციდენტის გამეორება.