მარნეულის ცენტრში მომხდარი კონფლიქტის დროს მძიმედ დაჭრილი ახალგაზრდა ბიჭი გარდაიცვალა.
როგორც ჟურნალისტი ჯეიჰუნ მუჰამედალი წერს, დაღუპული 20 წლის იყო და რამდენიმე დღის წინ იქორწინა. სავარაუდოდ, კონფლიქტიც სწორედ იმ დღეს დაიწყო, მერე კი გაგრძელდა. მიზეზი უცნობია.
მძიმედ დაჭრილი ახალგაზრდა კლინიკაში გადაიყვანეს, მაგრამ ექიმებმა მისი გადარჩენა ვერ შეძლეს.
“ასეა, როდესაც ახალგაზრდებში განათლების ნაცვლად ქურდული მენტალიტეტი იკიდებს ფეხს და კანონი არ კანონობს…”, – წერს ჟურნალისტი “ფეისბუქზე” და მოკლული ბიჭის ფოტოს აქვეყნებს.