რეგიონში არსებულ უსაფრთხოებასა და შემდგომი თანამშრომლობის საკითხებზე იმსჯელეს ეუთო-ს წევრი ქვეყნების საგარეო საქმეთა მინისტრებმა ქალაქ პოტსდამში. შეხვედრა ეუთო-ს თავმჯდომარე ქვეყნის გერმანიის საგარეო საქმეთა მინისტრის ფრანკ ვალტერ შტაინმაიერის მოწვევით გაიმართა.
მას საქართველოს საგარეო საქმეთა მინისტრიც ესწრებოდა. მიხეილ ჯანელიძემ თავის მიმართვაში ყურადღება გაამახვილა საქართველოს ტერიტორიების ოკუპაციასა და ოკუპირებულ რეგიონებში ადამიანის უფლებათა დაცვის მხრივ არსებულ რთულ ვითარებაზე.
„ჩვენ ვისაუბრეთ საქართველოში არსებულ მდგომარეობაზე, რუსეთის მიერ განხორციელებულ ქმედებებზე, ოკუპაციაზე, რომელიც გრძელდება და რომელიც არა მარტო საქართველოსთვის არის საფრთხე, არამედ ზოგადად ევროპული უსაფრთხოებისთვის.
დღევანდელი დისკუსია მიმდინარეობს იმაზე, თუ როგორ შეიძლება გაჩნდეს უფრო მეტი ნდობა თვითონ ორგანიზაციის ფარგლებში და როგორ შეიძლება იქნას მიღწეული მეტი კონსენსუსი კონფლიქტების დარეგულირებასთან დაკავშიrებით,“-განაცხადა მიხეილ ჯანელიძემ.