იძულებით გაუჩინარებულთა საერთაშორისო დღე სოხუმშიც აღინიშნა
ოკუპირებული აფხაზეთის დე ფაქტო მინისტრთა კაბინეტთან არსებული უგზო-უკვლოდ დაკარგულთა საკითხების კომისიის თავმჯდომარის რომან ადლეიბას განცხადებით, ,,აფხაზეთის ხალხის დიდ სამამულო ომში’’ უგზოუკვლოდ დაკარგულთა რაოდენობა ბოლო დრომდე 170 მეომარს შეადგენდა, მაგრამ მათგან 37 -ს ნეშტი ახლა უკვე მიკვლეულია, ამოცნობილი და ოჯახებისთვის გადაცემული.
,,იდენტიფიკაციის სამუშაოები გაგრძელდება მანამ , სანამ არ მივაკვლევთ ყველა დაღუპული მეომრის ნეშტს აფახაზეთის მხრიდან ‘’- განაცხადა რომან ადლეიბამ .
მოძრაობა ა,,ფხაზეთის დედები მშვიდობისადა სოციალური სამართლიანობისთვის’’ თავმჯდომარის გული კიჩბას განცხადებით, ეს დღე, ძალიან მნიშვნელოვანია ცოცხალთათვის , რამდენადაც მათ ყურადღებას მიაპყრობს ომის საშინელებასა და პრობლემებზე, რომლის სათავესაც იგი წარმოადგენს.
,,ჩვენ ვიმედოვნებთ, რომ მივაკვლევთ და დედებს დავუბრუნებთ ომში უგზოუკვლოდ დაკარგულ ბიჭებს, არავინ უნდა დარჩეს გულგრილი ამ პროცესის მიმართ’’- განაცხადა გული კიჩბამ