გაზეთ ქრონიკა პლუსის მთავარი რედაქტორი ელისო კილაძე, პარტია სახელმწიფო ხალხისთვის ლიდერის პაატა ბურჭულაძის და ე.წ. კანონიერი ქურდის ტარიელ ონიანის ვიდეო მასალას ავრცელებს.
ჟურნალისტის მიერ გავრცელებულ ვიდეომასალაში, ტარიელ ონიანის შვილის ნათლობის ამსახველი კადრებია. კილაძის ინფომრაციით, ბურჭულაძე ონიანის ახლო მეგობარი და შვილის ნათლიაა.
„რამდენიმე კითხვა მაქვს“ პირველი – პაატა ბურჭულაძე – სახელმწიფოს ხალხისთვის გვპირდება, თუ ქურდებისთვის? მეორე – ზურაბ ჯაფარიძისთვის რამდენად მისაღებია მსგავსი მენტალობის პერსონასთან ერთად ერთ ბლოკში ყოფნა? მესამე – გამარჯვების შემთხვევაში, ვინ მაძლევს გარანტიას იმისა, რომ რეალური მმართველი ტარიელ ონიანი არ იქნება, გიორგი ვაშაძე? და ბოლოს – აღძრავს თუ არა საქმეს ქურდულ სამყაროსთან კავშირის ბრალდებით საქართველოს პროკურატურა?“- აცხადებს ელისო კილაძე.
ჟურნალისტის ინფომრაციით, ნათლობაზე, რომლის ამსახველი ვიდეო მასალაც დღეს მის მიერ გავრცელდა, ჩანს ქართული ოცნების წევრი ბორის ჩაკვეტაძეც. კილაძის თქმით, ისიც ისევე, როგორც პაატა ბურჭულაძე, ე.წ. კანონიერი ქურდის ტარიელ ონიანის მეგობარია.