საქართველოს პრეზიდენტი და პირველი ლედი რიო-დე-ჟანეიროში იმყოფებიან, ისინი ოლიმპიური თამაშების გახსნის ცერემონიალზე დასასწრებად ჩავიდნენ. ისინი სხვა სახელმწიფო ლიდერებთან ერთად მიწვეული არიან ოლიმპიადის გახსნასთან დაკავშირებულ ოფიციალურ მიღებაზე, რომელიც ბრაზილიის პრეზიდენტის მოვალეობის შემსრულებლის და მსოფლიო ოლიმპიური კომიტეტის პრეზიდენტის სახელით გაიმართება.
პრეზიდენტის ადმინისტრაციის ინფორმაციით, დაგეგმილია გიორგი მარგველაშვილის და მაკა ჩიჩუას შეხვედრა საქართველოს ოლიმპიურ ნაკრებთან, პრეზიდენტი და პირველი ლედი ქართველი ოლიმპიელების გამოსვლებსაც დაესწრებიან.
გიორგი მარგველაშვილი ვიზიტის ფარგლებში გამართავს ორმხრივ შეხვედრებს სხვადასხვა ქვეყნის ლიდერებთან.