საქართველოს ახალგაზრდული ნაკრებისა და ბორისოვის ბატე-ს ნახევარმცველმა, ზუგდიდელმა ვაკო გვილიამ რუბრიკა "ინტერნეტკონფერენციის" მეშვეობით Sportall.ge-ს მკითხველთა შეკითხვებს უპასუხა.
გთავაზობთ ამონარიდს ინტერნეტკონფერენციიდან.
კითხვაზე, ვინ არის შენთვის მისაბაძი მაგალითი ცხოვრებაში, ვის აზრსაც ყოველთვის ითვალისწინებ ?, ახალგაზრდა ფეხბურთელმა უპასუხა: ჩემთვის მისაბაძი ადამიანები მამაჩემი სლავა გვილია და ჩემი ბავშვობის მწვრთნელი ზაურ ბულია არიან. მათ აზრს ყოველთვის ვითვალისწინებ.
საქართველოს ახალგაზრდული ნაკრების ფეხბურთელის, 22 წლის ზუგდიდელი ნახევარმცველის ოფიციალური დებიუტი ბორისოვოს ბატე-ს შემადგენლობაში 12 ივლისს შედგა.
მატჩის შემდეგ პრესკონფერენციაზე ბორისოვოს გუნდის მთავარმა მწვრთნელმა ალექსანდრ ერმაკოვმა გვილიაზეც ისაუბრა. – ვალერიან გვილიას ყველაფერი წინ აქვს. დარწმუნებული ვარ, ის ევროთასებზე გამოგვადგება – აღნიშნა მან.
გვილია ბატე-ს რიგებში ცოტა ხნის წინ, "მინსკიდან" გადავიდა, რომლის რიგებშიც 19 მატჩი ჩაატარა.