ძლიერმა ქარიშხალმა და სეტყვამ გურჯაანის რაიონის სოფელი კარდენახი დააზარალა.სტიქიის შედეგად დაზიანდა ბოსტნეულის ნარგავები. სეტყვამ მთლიანად გაანადგურა ათეულობით ჰექტარზე მოყვანილი საზამთროს ბაღები. ძლიერი ქარიშხლის გამო, დაინგრა ადგილობრივების კუთვნილი საქონლის ფერმები.კარდენახელები ხელისუფლებას ბანკიდან აღებული სესხების გადავადებაში დახმარებას სთხოვენ.სტიქიის შემსწავლელი კომისია სოფელში ამ დრომდე არ ჩასულა.გურჯაანში კი ძლიერმა ქარმა ადმინისტრაციულ შენობას სახურავი გადახადა. 70 კვადრატულ მეტრამდე თუნუქის დემონტაჟისთვის სამუშაოები შესაბამისმა სამსახურებმა შეასრულეს.გურჯაანის გამგებლის ინფორმაციით, გადახდილი სახურავი ადგილობრივი მცხოვრებლებისთვის საფრთხეს ქმნიდა. მისივე თქმით, სახურავის ნარჩენების გატანა და აღდგენითი სამუშაოები დღეს დილიდან დაიწყება.