თურქულ მედიაში ვრცელდება ინფორმაცია, რომ სამხედრო გადატრიალების უკან დგას დაჯგუფება ,,ჰეზმეთი" , რომელიც დაკავშირებულია თურქ საზოგადო მოღვაწესთან ფუთჰულაჰ გიულენთან. გიულენი ცხოვრობს ამერიკის შეერთებულ შტატებში, ისლამის წარმომადგენელია, ცნობილია თავისი დასავლური ფასეულობების ერთგულებით და შესაბამისად მის მიერ შექმნილი ორგანიზაციაც თავს დასავლეთზე ორიენტირებულ დემოკრატიულ დაჯგუფებად აცხადებს .
ამ დროისათვის თურქეთის მთავრობა ცდილობს მთელი სამხედრო კონტიგენტი ჩართოს სამხედრო გადატრიალების აღკვეთაში, ერდოღანი უკვე გამოჩნდა საჯაროდ, ის თავისუფლად ხვდება ჟურნალისტებს, მოსახლეობას ქუჩებში სიმშვიდისკენ მოუწოდებს და სამხედროების ქმედებას დემოკრატიას ამოფარებულთა ქმედებად აფასებს.
ბოლო ცნობებით პრეზიდენტის სასახლეს ვერტმფრენიდან ცეცხლი გაუხსნეს