მთავარისიახლეებიკონფლიქტებიმშვენიერი ელენე - ირინა დოჩიას როლი სოხუმის არეულობებში

მშვენიერი ელენე – ირინა დოჩიას როლი სოხუმის არეულობებში

Published on

აფხაზური მედიის ცნობით, ამ დრომდე არ არის დადგენილი სად და ვის ხელშია 3 ივლისს გატაცებული ირინა დოჩია – გატაცების ფაქტის გამოძიებას სოხუმის პროკურატურა აწარმოებს.
,, არსებობს რამდენიმე სამუშაო ვერსია, თუმცა ამ ვერსიებს  და  გამოძიების დეტალებს, დაზარალებულის ინტერესებიდან გამომდინარე, ვერ გავახმაურებთ – აცხადებს სოხუმის დე- ფაქტო პროკურორი რუსლან თირქბა .
შეგახსენებთ, ირინა დოჩია აფხაზეთის პოლიტიკურ სპექტრში ერთერთი უძლიერესი პარტიის ,,ედიანაია აბხაზიას’’ პოლიტსაბჭოს მდივანია, იგი სამ ივლისს, ღამის 23 საათზე გაიტაცეს უცნობმა პირებმა სოხუმის ცენტრალურ ქუჩაზე მდებარე თავისი საცხოვრებელი სახლის ეზოდან . ხელისუფლება და ოპოზიცია ერთმანეთისკენ იშვერენ ხელებს და აცხადებენ, რომ მისი გატაცება მოწინააღმდეგე მხარეს მოახლოებულ რეფერენდუმთან დაკავშირებით ისედაც დაძაბულ პოლიტიკურ სიტუაციაში ტემპერატურის აწევისთვის სჭირდებოდა. მართლაც, ირინა დოჩიას გატაცებამ გარკვეული როლი შეასრულა 5 ივლისის მღელვარებაში, ეს იყო ერთ-ერთი მნიშვნელოვანი არგუმენტი ოპოზიციის ხელში ხელისუფლების   პროვოკაციულ ქმედებებში   დადანაშაულებისათვის და პირიქით. 
ჩვენი მხრიდან დავძენთ, რომ მოქილიკე ხმებით არ გამოირიცხება სხვა, ყივჩაღისპაემნური  ვერსიაც – ,,აქეთ მე ვკვდები, იქით ის, ქალი წავიდა სხვისასა'' .
რეფერენდუმის საკითხი ამოიწურა, ყოველ შემთხვევაში ამ ეტაპზე, ირინა დოჩიას კვალს კი ვერც სამართალდამცავმა უწყებებმა და ვერც ახლობლებმა ჯერაც ვერ მიაგნეს. ირინა დოჩია 35 წლისაა, პროფესიით იურისტი, განათლება რუსეთში აქვს მიღებული, სხვადასხვა წლებში მუშაობდა  მოსკოვში, ფედერალურ  სამართალდამცავ სტრუქტურებში, აქვს სამხედრო წოდება – პოლკოვნიკი, 2014 -15 წლებში, სანამ პარტია ,,ედიანაია აბხაზიას“ პოლიტსაბჭოს მდივნად აირჩევდნენ,  მუშაობდა აფხაზეთის სახელმწიფო საიმიგრაციო სამსახურის ხელმძღვანელის მოადგილედ, ჰყავს  შვილი.
 
 
 

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...