დღეს ზუგდიდში იწყება ღონისძიებათა სამდღიანი ციკლი, რომელიც ვლაქერნობის დღესასწაულს ეძღვნება.
15:00 საათზე მერიის საკონფერენციო დარბაზში ახალგაზრდების მონაწილეობით კონფერენცია ჩატარდება, ხოლო 19:00 საათზე საფეხბურთო ჩემპიონატი "ვლაქერნობის თასი 2016" -ის ფინალური მატჩი მუნიციპალიტეტის სპორტკომპლექსში გაიმართება.
ხვალ, 14 ივლისს, 11:00 საათზე, მოსწავლე-ახალგაზრდობის სასახლეში სამეცნიერო კონფერენცია ჩატარდება.
15 ივლისს კი, ვლაქერნობის დღესასწაულზე, დადიანების სასახლეთა ისტორიულ-არქიტექტურული მუზეუმის საცავიდან პატიოსანი სამოსელის გამობრძანების პროცესი 9:00 საათზე დაიწყება. 10:00 საათზე ივერიის ღვთისმშობლის საკათედრო ტაძარში შესრულდება სადღესასწაულო ლიტურგია , ხოლო 19:00 საათზე პარაკლისი აღევლინება.
დღის ბოლოს, 20: 00 საათზე ქალაქის ცენტრალურ პარკში დაიწყება საზეიმო კონცერტი ჯგუფი "ეგარის" და "ანჩისხატის მგალობელთა გუნდის" მონაწილეობით