საპატრულო პოლიციის თანამშრომელსა და და ერთ-ერთი მაღაზიის მეპატრონეს შორის წუხელ ურთიერთშელაპარაკება მოხდა, რომელიც ფიზიკურ დაპირისპირებაში გადაიზარდა. დაპირისპირების კადრები მაღაზიის სათვალთვალო კამერამ დააფიქსირა, მაღაზიის მეპატრონე ხვიჩა ბარამია, რომელიც ინციდენტში მონაწილე დავით ბარამიას მამაა, ყვება, რომ მისმა შვილმა დაურეკა და შეატყობინა ინციდენტის შესახებ,„პატრულის თანამშრომელს ბავშვი საქმის გარჩევის მიზნით მანქანაში ჩაუსვამს, რომ მოვედი ურტყამდა, ჩემი ბიჭი ნაცემია,იარაღი ეჭირა ხელში, გადატენა და დაუმიზნა, ამ დროს ატყდა ერთი ამბავი და უკვე პატრულის სხვა თანამშრომლებიც მოვიდნენ“- განუცხადა ჟურნალისტებს ხვიჩა ბარამიამ. საპატრულო პოლიციაში ფაქტზე განმარტებებს არ აკეთებენ, დავით ბარამია პოლიციის განყოფილებაში დღეს დაიკითხა, მამამისს- ხვიჩა ბარამიას კი ამ წუთებში კითხავენ. “ოდიშინიუსი“ შსს-ს რამდენჯერმე დაუკავშირდა, თუმცა ამ დრომდე არ მიუღია პასუხი, არის თუ არა ფაქტზე აღძრული საქმე და რა მუხლით მიმდინარეობს ძიება.