რაშიდ კანჯი- ოღლის ბრალი ედება საქართველოს მოქალაქის წინასწარგანზრახულ მკვლელობაში – ამ სათაურით აქვეყნებს აფხაზეთის საინფორმაციო სააგენტო ,, აფსნი რუ’’ ინფორმაციას გიგა ოთხოზორიას მკვლელობის საქმის გამოძიების მიმდინარეობის შესახებ.
,,აფხაზეთის რესპუბლიკის სამხედრო პროკურატურამ სამხედრო სასამართლოს მიმართა შუამდგომლობით პატიმრობაში აიყვანოს რაშიდ კანჯი ოღლი, რომელსაც ბრალი ედება საქართველოს მოქალაქის გიგა ოთხოზორიას წინასწარგანზრახულ მკვლელობაში, 19 მაისს საქართველოს რესპუბლიკის ზუგდიდის რაიონის სოფელ ხურჩის ტერიტორიაზე ''- წერს სააგენტო.
რ. კანჯი ოღლის ბრალი წაყენებული აქვს აფხაზეთის რესპუბლიკის სისხლის სამართლის კოდექსის 1ნაწილის 99- ე მუხლით ( განზრახ მკვლელობა), იგი დათხოვნილია სახელმწიფო უშიშროების სამსახურიდან.