დღეს რუსთავი 2 – ის საქმის განხილვა წინა პროცესიდან გაძევებული გენერალური დირექტორის ნიკა გვარამიას სხდომაზე არდაშვებით დაიწყო. ამის შემდეგ მოსამართლეთა კოლეგიის წევრმა ნათია გუჯაბიძემ ოფიციალურად განაცხადა უარი თვითაცილებაზე და მის მიმართ გავრცელებულ ბრალდებებტან დაკავშირებით განმარტებები გააკეთა:
„მსურს გამოვეხმაურო საზოგადოდ გავრცელებულ ბრალდებებს, იმისთვის, რომ ნათია გუჯაბიძე დაკვალიფიცირდეს თაღლითად ამაზე უნდა არსებობდეს სისხლის სამართლებრივი დევნა, რაც ბუნებაში არ არსებობს. ჩემი მოღვაწეობის განმავლობაში მსგავს ფაქტს არასდროს ჰქონია ადგილი. სრული პასუხისმგებლობით ვაცხადებ, რომ მსგავსი ფაქტი არ ყოფილა არც იუსტიციის საბჭოში და ეს არის ცრუ ბრალდენათია გუჯაბიძისუარის თქმის შტელეკომპანია „რუსთავი 2“-ის საქმის ბა. მიუხედავად ამ ცრუ ბრალდებისა ეს ჩემს განსჯაზე ზეგავლენას არ იქონიებს.
რაც შეეხება ამ განცხადებებს, ყველა ეს ბრალდება მიმართულია როგორც ჩემი, ასევე სასამართლოს წინააღმდეგ. მე ვარ საკმაოდ გამოცდილი ყველა სფეროში და გადაწყვეტილების მიღების მომენტში გავლენას ვერაფერი ვერ იქონიებს. დავრჩები მიუკერძოებლად და მივიღებ იმ გადაწყვეტილებას რასაც სამართალი და კანონი მიკარნახებს“ – განაცხადა გუჯაბიძემ.
ამ განცხადებასა და პროცესზე ნიკა გვარამიას არდაშვებას მოსამართლეებსა და დამსწრე საზოგადოებას შორის კამათი მოყვა. კოლეგიამ სასამართლოს დარბაზიდან თამარ კინწურაშვილი გააძევა. დამსწრეთა ნაწილმა კი , მათ შორის პოლიტიკოსებმა მასთან ერთად დატოვეს სხდომა.