საქართველოს პრეზიდენტის მოწვევით ავლაბრის რეზიდენციაში ეროვნული უშიშროების საბჭოს სხდომა მიმდინარეობს.
სხდომის დღის წესრიგით გათვალისწინებულია სამი საკითხის განხილვა: 1. მზადება ნატო-ს ვარშავის სამიტისთვის; 2. რეგიონული უსაფრთხოების საკითხები; 3. უსაფრთხოების გარემო საოკუპაციო ხაზის მიმდებარე რაიონებში.
ამ კონტექსტში, როგორც პრეზიდენტის ადმინისტრაციაში რამდენიმე დღის წინ განაცხადეს, საუბარი შეეხება ხურჩაში ე.წ. მესაზღვრის მიერ საქართველოს მოქალაქის – გიგა ოთხოზორიას მკვლელობის საკითხსაც.
ეროვნული უშიშროების საბჭოს სხდომას პრეზიდენტი გიორგი მარგველაშვილი ხელმძღვანელობს. მას უშიშროების საბჭოს მუდმივი წევრები ესწრებიან, მათ შორის პრემიერ-მინისტრი გიორგი კვირიკაშვილი და პარლამენტის თავმჯდომარე დავით უსუფაშვილი.
სხდომის დაწყებამდე საბჭოს წევრებს კომენტარი არ გაუკეთებიათ. მედიისათვის განხილული თემების შესახებ ინფორმაციის მიწოდება სხდომის დასრულების შემდეგ იგეგმება. აპირებენ. ამ წუთებში პრეზიდენტთან უშიშროების საბჭოს წევრები არიან შეკრებილი. მსჯელობის მთავარი თემები მიმდინარე და ახლო მომავალში დაგეგმილიპოლიტიკური მოვლენები იქნება.