,,დღეს, ოდესაში ვუმასპინძლე ნაციონალური მოძრაობის საპარლამენტო სიის კანდიდატების ძალიან საინტერესო ჯგუფს. ასევე მეწვია ნასაკირალის არჩევნებში გამარჯვებული ბესო კათამაძე. პირველად, 2012 წლის შემდეგ ნაციონალურმა მოძრაობამ დაასრულა დამარცხებების სერია და ხელახლა დაიწყო გამარჯვებები. დღეს ბესოს გადავეცი სამახსოვრო საათი, რომლითაც უნდა ათვალოს დრო 8 ოქტომბრის საპარლამენტო არჩევნებში ერთიანი ნაციონალური მოძრაობის მიერ უმრავლესობის მოპოვებამდე. საღამოს კი, ყველა წავედით ბესოს გენიალური მოგვარის კონცერტზე. ბესომ კონცერტის შემდეგ, განუმეორებელ ნინო ქათამაძესთან ფოტოც გადაიღო. – წერს მიხეილ სააკაშვილი თავის Facebook- გვერდზე და დეპუტატთან გადაღებულ ფოტოს აქვეყნებს.
შეგახსენებთ, 22 მაისს, ოზურგეთის მუნიციპალიტეტის, დაბა ნასაკირალში ადგილობრივი თვითმართველობის არჩევნები "ერთიანი ნაციონალური მოძრაობის" მაჟორიტარობის კანდიდატის და "თავისუფალი ზონის" გურიის რაიონული ორგანიზაციის ხელმძღვანელის გამარჯვებით დასრულდა. დეპუტატი ოდესაში მიხეილ სააკაშვილის მიწვევით ჩავიდა. ჩვენი ინფრმაციით, მასთან ერთად მიწვეული იყო კორცხელში გამარჯვებული კანდიდატიც – ვარადებულ ლაშხია, თუმცა მისი გამგზავრება შეაფერხა კორცხელში მოწყობილი რბევისას ნაცემი ბავშვის გადაუდებელმა ოპერაციამ.