თაბუკაშვილის ქუჩაზე მცხოვრები დევნილები სამხარაულის ექსპერტიზის დასკვნის შედეგებს არ ეთანხმებიან და ამბობენ, რომ აუცილებელია ახალი ჭის გათხრა, რადგან არსებული ჭაბურღილი ფეკალური მასებით არის დაბინძურებული და ფილტრის დაყენებით პრობლემა არ მოგვარდება.
დასკვნაში წერია, რომ მცირეოდენი ჰიგიენური გადამეტება, რომელიც ფიქსირდება, დაუქლორავი წყლისთვისაა დამახასიათებელი და შესაძლოა ზედაპირული წყლებით იყოს გამოწვეული.
მხარეებმა საინიციატივო ჯგუფის შექმნის გადაწყვეტილება მიიღეს, რომელიც არსებულ პრობლემას კიდევ ერთხელ განიხილავს და მოთხოვნებს სამშენებლო კომპანია "დაგის" გააცნობს.
გასულ თვეს, დევნილთა დასახლებაში ნაწლავური ინფექცია გავრცელდა, რომელიც სავარაუდოდ, სასმელი წყლის დაბინძურებამ გამოიწვია. ინფექციის ნიშნები ათეულობით ადამიანს, მათ შორის, ბავშვებს აღენიშნებოდათ.