ზუგდიდის მუნიციპალიტეტის სოფელ კორცხელში, 53 -ე საარჩევნო უბანზე ხმის მიცემის პროცესი 10 წუთის დაგვიანებით დაიწყო. საია -ს ზუგდიდის ორგანიზაციის ხელმძღვანელის მიხეილ ჯახუას განცხადებით, საარჩევნო პროცესის დაგვიანებით დაწყების მიზეზი პროცედურულ საკითხთა გაჭიანურება გახდა, თუმცა მას საარჩევნო პროცესის ჩატარებისთვის ხელი არ შეუშლია. პირველმა ამომრჩეველმა ხმა 08:10 სთ -ზე მისცა. მისი განცხადებით, მისთვის დიდი მნიშვნელობა აქვთ თუ ვინ იქნება მისი სოფლის წარმომადგენელი ზუგდიდის მუნიციპალიტეტის საკრებულოში.
ამ წუთებში კორცხელის ორივე საარჩევნო უბანზე შუალედური არჩევნების პროცესი მშვიდ ვითარებაში დარღვევების გარეშე მიმდინარეობს. ჩვენი ჟურნალისტის ინფორმაციით, აქტივობა მაღალია.
კორცხელის თემში, ორივე საარჩევნო უბანზე ამომრჩეველთა რაოდენობა 1982 ადამიანს შეადგენს.