ჩვენი კორესპონდენტი ზუგდიდის მუნიციპალიტეტის სოფელ კორცხელიდან გვატყობინებს, რომ ამ წუთებში აქ მიმდინარე შუალედურ არჩევნებთან დაკავშირებით მყოფ მყოფ ნაციონალური მოძრაობის ლიდერებს ფიზიკურად გაუსწორდნენ უცნობი პირები, რომელნიც დილიდან განთავსდნენ საარჩევნო უბნის გარე პერიმეტრზე და არ მალავდნენ, რომ ქართული ოცნების მხარდამჭერები არიან.
სპორტული აღნაგობის ათამდე ახალგაზრდა თვითმხილველთა თქმით, დილიდან იმუქრებოდა რომ ძვლებში გადაამტვრევდა ნაციონალურ მოძრაობას . და აი, სიტყვიდან საქმეზე გადავიდნენ.- წიხლებითა და ხელკეტებით დაერივნენ პარტიის ლიდერებს. ადგილზე მხოლოდ რამდენიმე პოლიციელი იმყოფებოდა, რაც, როგორც ჩანს მიზანმიმართულად მოხდა. ისინი თავდაპირველად არც ჩარეულან ინციდენტში. ისევ ხალხმა თავისი სასიცოცხლო რისკის ფასად გამოგლიჯა ლიდერები ხელიდან გავეშებულ ზონდერებს. განსაკუთრებული სისასტიკით არიან ნაცემი ნიკა მელია და თენგიზ გუნავა. დაშავებულები რეფერალურ საავადმყოფოში არიან გადაყვანილი. დამატებით ინფორმაციას უახლოეს ხანებში მოგაწვდით.