კორცხელში მომხდარი ანგარიშსწორების ახალი დეტალები – სოფელში მყოფმა ქართული ოცნების ზონდერებმა პირველი იერიში ნიკა მელიაზე მიიტანეს და შემდეგ ნაციონალური მოძრაობის სხვა ლიდერებსაც შეუტიეს. პარალელურად დაერივნენ ჟურნალისტებსაც რომელნიც კამერებით აფიქსირებდნენ მათ ქმედებებს და ხალხსაც, რომელმაც მათი შეჩერება და ხელჩართული ომის აღკვეთა სცადა. დაუზოგავად სცემეს ბავშვებს და მოხუცებსაც კი. იყენებდნენ ყველა მათ ხეში არსებულ საშუალებას – წიხლებს მუშტებს, ქვებსა და ხელკეტებს. სასტიკად არიან ნაცემი ნაციონალური მოძრაობის ლიდერები – ნიკა მელია, გიგა ბოკერია, ნუგზარ წიკლაური, აკო მინაშვილი, თენგიზ გუნავა, ლაშა დამენია და სხვები, მათ შორის ვარადებულ ლაშხია – რომელიც ნაციონალური მოძრაობის კანდიდატია ზუგდიდის მუნიციპალიტეტის საკრებულოს მაჟორიტარი დეპუტატის შუალედურ არჩევნებზე, და რაც ყველაზე ამაზრზენია მისი არასრულწლოვანი ვაჟი. როგორც ჩვენი კორესპონდენტი იტყობინება, ზონდერების ნაწილი სახეს იფარავდა, ნაწილი თავხედურად ჩაჰყურებდა კამერას.
,, საქმე მხოლოდ პარტიულ დაპირისპირებაში არ არის, მათ შეურაცხყვეს მთელი სოფელი, გვაგინებდნენ, გვცემდნენ, ყველაფერი სისხლში ცურავს. შეხედეთ რამდენი ნაცემი ადამიანი წევს სასწრაფო დახმარების მოლოდინში ხეების ძირას. ქართულ ოცნებას არ შერჩება ანგარიშსწორება მოსახლეობასთან, არც ქალები დაგვინდეს, არც ბავშვები. ნაცემთა შორის არიან ქართული ოცნების მხარდამჭერებიც კი, რომელნიც მათ დაშოშმინებას ცდილობდნენ. ახლა იმედია, გონს მოეგებიან – ვინ შეიძლება დაუჭიროს მხარი პირსისხლიან ხელისუფლებას, რომელიც ისედაც ყელში იყო ამოსული. ეს იყო ქართული ოცნების ორგანიზებული ეგზეკუცია სამეგრელოში და მისი შედეგები კარგს არაფერს მოუტანს მას. საკმარისია, რაც სამეგრელოს დამართა შევარდნაძის ხელისუფლებამ. ეს აღარ გაუვათ! – აცხადებენ სოფელში.