ხურჩა-ნაბაკევის საზღვარზე დღეს სამოქალაქო სექტორის წარმოადგენლები მივიდნენ, რომლებმაც გუშინ მომხდარი ფაქტი გააპროტესტეს.ე. წ. საზღვარზე გუშინ მკვლელობა მოხდა, 1986 წელს დაბადებული, ბარღებიდან დევნილი გიგა ოთხოზორია ცეცხლსასროლი იარაღიდან რამდენიმე გასროლით ადგილზე მოკეს.მას სხეულზე ჭრილობები, თავში კი საკონტროლო ჭრილობა ჰქონდა მიყენებული. არსებული ინფორმაციით, დაღუპულსა და აფხაზ მესაზღვრეს შორის შელაპარაკება მოხდა,ტყვარჩელის რაიონის მკვიდრმა, რაშიდ კანჯი-ოღლიმ ოთხოზორია საქართველოს მიერ კონტროლირებად ტერიტორიაზე მოკლა. შემთხვევის ადგილზე მოქალაქე აქტივისტებმა ყვავილები მიიტანეს და სანთლები დაანთეს. აქციის მონაწილეებმა კიდევ ერთხელ უთხრეს უარი რუსულ ოკუპაციას და საერთაშორისო ორგანიზაციებს მკაცრი რეაგირებისკენ მოუწოდეს.
გიგა ოთხოზორიას ოჯახის წევრები და ახლობლები პირად საუბრებში ამბობენ,რომ ის ოჯახში ერთადერთი შემომტანი იყო.მამამ ზურაბ ოთხოზორიამ 2 თვის წინ ინსულტის მძიმე ფორმა გადაიტანა და ამჟამად შშმ პირია.დედა პედაგოგია, ჰყავს მეუღლე და ორი მცირეწლოვანი შვილი.ცხოვრობენ ზუგდიდში ნაქირავებ ბინაში.