დღეს საღამოს ნაციონალური მოძრაობის ცენტრალურ ოფისში მუსაობა დაიწყო პოლიტსაბჭოს კრებამ , რომელმაც საარჩევნო სიებზე უნდა იმსჯელოს. საბოლოო სიის ფორმირება დღეს დასრულდება, განუცხადა ჟურნალისტებს ზურაბ ჭიაბერაშვილმა.
პარტიის წარმომადგენლებმა კრების დაწყებამდე დაადასტურეს, რომ პარტიაში ახალი სახეები იქნებიან, თუმცა არ დაუკონკჯრეტებიათ ვინ არიან ისინი,
"სიის პრეზენტაცია, მათ შორის ახალი სახეების, ამ დღეებში აუცილებლად გვექნება. ისინი თქვენს წინაშე თავად წარსდგებიან და პირადად მოგახსენებენ საკუთარი შესაძლებლობების კომპეტენციას და წარსულის თაობაზე. მათ შორის იქნებიან ცნობილი სახეები. სიის სათავეში იქნება დავით ბაქრაძე,“ – განაცხადა პეტრე ცისკარიშვილმა.
ოფიციალური სია, სავარაუდოდ, ხვალ ოფიციალურ ღონისძიებაზე გახდება ცნობილი. თუმცა რუსთავი 2 – მა ღამის საინფორმაციო გამოშვებაში უკვე გაახმოვანა მის მიერ ექსკლუზიურად მნოპოვებული ნაციონალური მოძრაობის საარჩევნო სიის პირველი სავარაუდო ათეული, რომელთა შორის მოქმედი პარლამენტარი მხოლოდ ორია.
პირველი ათეულის შემადგენლობა ასეთია: 1. დავით ბაქრაძე; 2. ელენე ხოშტარია – საქართველოს რეფორმების ასოციაციის დამფუძნებელი. 2012 წლის საპარლამენტო არჩევნებამდე სახელმწიფო მინისტრის მოადგილე ევროპასთან ინტეგრაციის საკითხებში ; 3. რომან გოცირიძე – რომელიც ეროვნული ბანკის ხელმძღვანელის თანამდებობაზე მუშაობდა და ახლა ხელმძღვანელობს არასამთავრობო ორგანიზაციას ,,საქართველოს ეკონომიკური განვითარების ცენტრი''; 4. ნიკა მელია – თბილისის მერობის ყოფილი კანდიდატი, ნაციონალური მოძრაობის თბილისის ორგანიზაციის ხელმძღვანელი; 5. გიორგი ტუღუში – არასამთავრობო ორგანიზაცია ,საქართველოს დემოკრატიული ინიციატივის'' ხელმძღვანელი და ყოფილი სახალხო დამცველი; 6. ოთო კახიძე – ადვოკატი, რომელიც მანამდე იუსტიციის სამინისტროში მუშაობდა; 7. სალომე სამადაშვილი – საქართველოს ყოფილი წარმომადგენელი ევროკავშირსა და ბელგიაში; 8. ირაკლი აბესაძე – თბილისის საკრებულოს წევრი და ქალაქის ყოფილი ვიცე-მერი; 9. სერგი კაპანაძე – საქართველოს რეფორმების ასოციაციის დამფუძნებელი და 10. სერგო რატიანი.
თავად რუსთავი – 2 არ გამორიცხავს, რომ ეს სია საბოლოო არ არის და უცვლელი დარჩება. ამ მომენტში პოლიტსაბჭო სიის მეორე ათეულის დაკომპლექტებაზე მუშაობს.