პარლამენტის ქართული ოცნების ყრილობა დღეს ისე დამთავრდა, რომ მის მონაწილეთა შორის პარლამენტის თავმჯდომარე დავით უსუფაშვილი არ გამოჩენილა, თუმცა მას ორგანიზატორებმა, პრეზიდენტისგან განსხვავებით, ნამდვილად გაუგზავნეს მოსაწვევი. როგორც აღმოჩნდა, უსუფაშვილს ბათუმში ჰქონდა საქმე და ყრილობაზე დასწრებისთვის ვერ მოიცალა, თუმცა ამისი არავის სჯერა.
მოუცლელი აღმოჩნდა თავდაცვის მინისტრი თინა ხიდაშელიც , იგი ვიზიტით იმყოფება აზერბაიჯანში. დარბაზში არ გამოჩენილან სხვა რესპუბლიკელებიც, ამ უხერხულ მომენტს ვერ ანეიტრალებს ყრილობაზე პაატა ზაქარეიშვილისა და გიგლა აგულაშვილის ყოფნა, რადგან ისინი მიწვეული იყვნენ მინისტრების რანგში და არა როგორც რესპუბლიკელთა პარტიის დელეგატები. ყრილობის ორგანიზატორები არც კი ცდილობენ, სერიოზული ახსნა მისცენ ამ ფაქტს, ,,არ ეცალა. ბათუმში აქვს საქმე, არ ვიცი, ხიდაშელს არ დავლაპარაკებივარ'' – სხვა სიტყვები მათ ლექსიკონში აღარ იძებნება, როგორც დაშლილი გუნდის წევრები საბოლოოდ შეეშვნენ შიდაკოალოციური თანხმობის ილუზიების შექმნას
საყურადღებოა , რომ ყრილობას ასევე არ ესწრებოდა უმრავლესობის წევრი თამაზ მეჭიაურიც, დეპუტატის განმარტებით, ყრილობაზე დაუსწრებლობა დემარშის ხასიათს არ ატარებდა.
”არ მინდოდა რაღაც დისონანსი შემეტანა ყრილობის მუშაობაში, გამომდინარე იქედან, რომ კითხვები დაისმებოდა ყველა მხრიდან და ალბათ, ბოლომდე გულწრფელი ვერ ვიქნებოდი, თუნდაც იმიტომ, რომ ყრილობას ჰქონდა თავისი მიზნები. რაც მთავარია, ბატონ ბიძინასთან მქონდა კონსულტაციები – შევხვდით პირისპირ და ყველაფერი ეს იყო აბსოლუტურად მისაღები მისთვის. აღნიშნა დეპუტატმა.