ცოტა ხნის წინ ზუგდიდში დისლოცირებული განსაკუთრებულ დავალებათა მეორე სამმართველოს თანამშრომელი ზ.ხ. უცნობმა პირებმა საკუთარ სახლთან დაჭრეს. მას ორი ტყვია ფეხზე აქვს მოხვედრილი. თვითმხილველების ინფორმაციით, გასროლა მანქანიდან მოხდა, თავდამსხმელები კი ადგილიდან მიიმალნენ.
დაშავებული ზუგდიდის რეფერალურ ჰოსპიტალშია გადაყვანილი და მას ამ წუთებში სასწრაფო ოპერაცია უტარდება. ექიმების განცხადებით, მის სიცოცხლეს საფრთზე არ ემუქრება.
მომხდარ ფაქტს ადასტურებენ შინაგან საქმეთა სამინისტროში. უწყების ინფორმაციით, მომხდარ ფაქტზე აღძრულია სისხლის სამართლის საქმე და გამოძიება 118 -ე მუხლით მიმდინარეობს, რაც ჯანმრთელობის განზრახ ნაკლებად მძიმე დაზიანებას გულისხმობს.
შემთხვევა დაახლოებით ერთი საათის წინ სოფელ ჯიხაშკარში მოხდა.