თბილისში, ნაძალადევის რაიონში, ცოტა ხნის წინ, ლიბერთი ბანკის ოფისი დააყაჩაღეს. როგორც ბანკში განაცხადეს, დაახლოებით 11 საათზე ოფისში მძარცველი შეიჭრა, წაღებულია თანხა, თუმცა ამ დრომდე თანხის ოდენობას არ ასახელებენ.
ამ დრომდე ადგილზე სამართალდამცავები მუშაობენ. შინაგან საქმეთა სამინისტროს ინფორმაციით, მომხდარ ფაქტზე გამოძიება სისხლის სამართლის კოდექსის 179 -ე მუხლით მიმდინარეობს, რაც ყაჩაღობას გულისხმობს.