ინტერპოლმა დათა ახალაია ძებნიდან მოხსნა იმ მოტივით, რომ კონსტიტუციური უსაფრთხოების დეპარტამენტის ყოფილი ხელმძღვანელის მიმართ პოლიტიკური ნიშნით დევნა მიმდინარეობს. ოფიციალურ ვებ გვერდზე, წითელი ცირკულარით ძებნილთა სიაში ყოფილი მაღალჩინოსანი აღარ იძებნება.
დათა ახალაიას ინტერესების დამცველის ირაკლი ზაქარეიშვილის განცხადებით, ამის მიზეზი, საბერძნეთის სასამართლოს მიერ მიღებული გადაწყვეტილებაა.
“ევროპულმა სასამართლომ, საბერძნეთის უზენაესმა სასამართლომ, თავის გადაწყვეტილებაში მიუთითა, რომ დავით ახალაიას მიმართ, საქართველოში ხორციელდება პოლიტიკურად მოტივირებული სისხლის სამართლებრივი დევნა. ქართულ მხარეს უარი ეთქვა დავით ახალაიას ექსტრადიციაზე. და ევროპული სასამართლოს სამართლებრივი შედეგი გაზიარებულ იქნა ინტერპოლის მეირ და დავით ახალაია მოხსნილია ძებნიდან და მას შეუძლია გადაადგილდეს ნებისმიერი მიმართულებით,“ – განაცხადა ადვოკატმა .
ძებნილთა სიიდან ინტერპოლმა უფრო ადრე სხვა ყოფილი მაღალჩინოსნები – ზურაბ ადეიშვილი, დავით კეზერაშვილი და ერეკლე კოდუაც ამოიღო.