დღეს დედაქალაქის საკრებულოს სხდომაზე თბილისის ბიუჯეტში შესატან ცვლილებებს განიხილავენ. ცვლილებები კომუნალურ ვაუჩერებს შეეხება და სუბსიდიის დაფინანსებისათვის გამოყოფილი 45 მილიონი ლარის დაახლოებით 14 მილიონით შემცირებას გულისხმობს. ეს კი ნიშნავს, რომ 290 ათასი ოჯახი დახმარების გარეშე დარჩება.
უმრავლესობის მტკიცებით გამოთავისუფლებული თანხა სოციალურად დაუცველთა ვაუჩერების გაორმაგებას მოხმარდება
ცვლილებებს საკრებულოს ოპოზიციაში არ ეთანხმებიან : „ქართულმა ოცნებამ" გადაწყვიტა საპარლამენტო არჩევნების შემდეგ ადამიანების სოციალური საჭიროებების განურჩევლად, თბილისელების 2/3, დაახლოებით, 290 ათასი ოჯახი მეტად მნიშვნელოვანი კომუნალური შეღავათის გარეშე დატოვოს,“- განაცხადა ირაკლი აბესაძემ.
„თუ რამე ქამრების შემოჭერის მსგავსი უნდათ, თვითონ აქვთ უზარმაზარი ქამრები და დაიწყონ თვითონ შემოჭერა და ხალხს აჩვენონ, რომ თვითონ იკლებენ,“- განაცხადა ალეკო ელისაშვილმა.