მთავარისიახლეებისამართალიდაკავებული დავით ბეჭვაიას ოჯახი გამოძიებას უნდობლობას უცხადებს და საქმის ფალსიფიცირებაზე საუბრობს

დაკავებული დავით ბეჭვაიას ოჯახი გამოძიებას უნდობლობას უცხადებს და საქმის ფალსიფიცირებაზე საუბრობს

Published on

სამი ადამიანის მკვლელობაში ბრალდებული დავით ბეჭვაიას ოჯახი გამოძიებას არ ენდობა და საქმის ფალსიფიცირებაზე საუბრობს. კერძოდ, ბრალდებულის მეუღლე საქმეში არსებულ ხარვეზებზე საუბრობს და იმ დეტალებს იხსენებს, რომელიც მისი მეუღლის დაკავებას უძღოდა წინ. შორენა სონგულიას განცხადებით, დაკავებამდე მათი სახლის ეზოში მდგარ ავტომანქანაზე ხელყუმბარა იყო დამონტაჟებული. დაკავებულის მეუღლის განცხადებით, საქმეში არსებული მკვლელობის იარაღი მისმა მეუღლემ დავით ბეჭვაიამ 2012 წელს გაურკვეველ ვითარებაში  დაკარგა და ამის შესახებ შესაბამისი სამსახურები საქმის კურსში ჩააყენა. ბრალდებულის მეუღლის განცხადებით დაკარგული ცეცხლსასროლი იარაღი გამოძიებამ 10 თებერვალს,შემთხვევის ადგილზე მდინარიდან ამოიღო. წინასწარი დაკავების იზოლატორში მყოფ დავით ბეჭვაიას დღეს  ოჯახის მიერ დაქირავებული ადვოკატი შეხვდა.თანდილა ჯოლოგუას განცხადებით, ბრალდებული დანაშაულს არ აღიარებს. ადვოკატის განცხადებით,ის დღეს დაკავებულთან კვლავ გეგმავს შეხვერდას და მოგვიანებით  საზოგადოებას შეთითხნილი საქმის დეტალებზე გააცნობს ინფორმაციას. ადვოკატი არც ბრალდებულის მიმართ არსებულ ზოწოლას გამორიცხავს. 2016 წლის 8 თებერვალს სოფელ ურთიდან გაუჩინარებული სამი მამაკაცი ცეცხლსასროლი იარაღიდან მიყენებული სასიკვდილო ჭრილობით სამართალდამცავებმა გუშინ ზუგდიდის მუნიციპალიტეტის სოფელ აბასთუმანში,ხეცერას უბანში იპოვეს. გარდაცვლილთაგან ორი ზესტაფონის რაიონიდანაა, ხოლო მესამე ხობიდან.  12 თებერვალს კი პოლიციამ მკვლელობაში ეჭვმიტანილი, 1976 წელს დაბადებული დავით ბეჭვაია დააკავა. შსს -ის ინფორმაციით დაკავებულმა დანაშაული აღიარა. უწყებისვე ინფორმაციით, მომხდარზე აღძრულია სისხლის სამართლის საქმე დამამძიმებელ გარემოებაში განზრახ მკვლელობის ფაქტზე. ბრალის დამტკიცების შემთხვევაში დაკავებულს თავისუფლება 16 -დან 20 წლამდე ან უვადოდ აღეკვეთება. 

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...