ზუგდიდის შალვა დადიანის სახელობის სახელმწიფო-დრამატული თეატრის მსახიობი და მომღერალი გიორგი ფოჩხუა დღეს 30 წლის გახდებოდა. მსახიობის ოჯახის წევრები, ახლობლები და მეგობრები დღეს კიდევ ერთხელ შეიკრიბებიან მის საფლავზე.
მომღერალი და მსახიობი გიორგი ფოჩხუა 2012 წლის 14 ივლისს ანაკლიაში მოკლეს. ცოტა ხანში სამართალდამცავებს მკვლელობაში ეჭვმიტანილი ბექა ცობეხია ჩაბარდა, რომელმაც ჩადენილი დაბნაშაული აღიარა. დაკავებულს სასამართლომ თავისუფლება 13 წლით აღუკვეთა.
გიორგი ფოჩხუა ზუგდიდის შალვა დადიანის სახელობის სახელმწიფო-დრამატულ თეატრში რეჟისორი და მსახიობი იყო. მაყურებელს თეატრიდან ის განსაკუთრებულად სპექტაკლ "ყვარყვარე თუთაბერში" შესრულებული ტიტე ნატუტარის როლით დაამახსოვრდა. გიორგი ფოჩხუა ასევე მონაწილეობდა რეალ შოუ "ჯეობარში" და მუსიკალურ პროექტში "ვარსკვლავების აკადემია".