საქართველოს პრეზიდენტი ტელეკომპანია მაესტროს გარშემო განვითარებულ მოვლენებს ეხმაურება.
,,თავისუფალი მედია ერთერთი მთავარი საშუალებაა, რომ მოქალაქეებიც ვიყოთ თავისუფალი. "იმედი მაქვს, მაესტროში ჟურნასლიტებს ყოველთვის ექნებათ შესაძლებლობა ეფექტურად იმუშაონ და ჩვენ, პოლიტიკოსებს მოგვცენ შესაძლებლობა, ვეურთიერთოთ ხალხს . როგორც კი ისმის კითხვის ნიშნები, საზოგადოება განსაკუთრებული ყურადღებით რეაგირებს. ეს იყო ყველა შემთხვევაში.“- განაცხადა გიორგი მარგველაშვილმა ,,მაესტროს'' ეთერში .
რაც შეეხება სიტუაციას ტელეკომპანიაში, საჯარო რეესტრი სავარაუდოდ, დღეს განიხილავს პარტნიორთა კრების მიერ "მაესტროს" გენერალური დირექტორის თანამდებობიდან გათავისუფლებული ბაია გადაბაძის მოთხოვნას, საჯარო რეესტრმა არ დაარეგისტრიროს "მაესტროს" გენერალური დირექტორის ცვლილება, ვიდრე ბოლომდე არ გაირკვევა ამ პროცესთან დაკავშირებული გარკვეული დეტალები. მისი აზრით, სხვა შემთხვევაში "ეს იქნება არასწორი და უკანონო გადაწყვეტილება"
გადაბაძის განცხადებით, ძმები გაჩეჩილაძეები ტელეკომპანიაში სამუშაოდ ვერ შევლენ, რადგან შენობა მათი საკუთრება არ არის. მისი მფლობელი მაკა ასათიანია. ,,თუ სტუმრად მოვა გადაცემაში ან ჩემთან მოვა სალაპარაკოდ, მას შემოუშვებენ, თუმცა, თუ ის შემოვა შენობაში, რომელიც მას არ ეკუთვნის, ტელევიზიის სამართავად, ეს უკანონო იქნება და იმედი მაქვს არ წავა ამაზე ბატონი ლევანი", – განაცხადა გადაბაძემ არხის საკონტროლო პაკეტის მფლობელის, გია გაჩეჩილაძის გადაწყვეტილები, ტელეკომპანიის დირექტორის თანამდებობაზე დანიშნული მისი ძმის ლევან გაჩეჩილაძის უფლებამოსილებასთან დაკავშირებით.
გადაბაძე მაესტროს ხელმძღვანელობის შეცვლის მცდელობას პოლიტიკური მოტივებით ხსნის. "ეჭვი მაქვს, რომ კონკრეტული გავლენის მოპოვების მცდელობას უკავშირდება ეს ყველაფერი. ეს გავლენები შეიძლება იყოს , რადგან საარჩევნო წელია.- აცხადებს იგი.
როგორც ცნობილია, გადაბაძე "მაესტროს" პარტნიორთა კრებამ გუშინ გენერალური დირექტორის თანამდებობიდან გაათავისუფლა.
გადაწყვეტილების შემდეგ ბაია გადაბაძემ გაფიცვა გამოაცხადა.