ინფორმაცია იმის შესახებ, რომ აფხაზეთში მცხოვრები მამაკაცი ღორის გრიპით გარდაიცვალა, ოფიციალურად არ დასტურდება – განაცხადა სააგენტო ,,აბხაზია–ინფორმთან'' საუბარში სოხუმის საქალაქო კლინიკური საავადმყოფოს მთავარმა ექიმმა ვიაჩესლავ აბუხბამ
როგორც საააგენტო იუწყება, 18 იანვარს საავადმყოფოში მოათავსეს კრიტიკულ მდგომარეობაში მყოფი სამოცდაორი წლის სოხუმელი პაციენტი, რეომელსაც გართულებული გრიპის მსგავსი სიმპტომები აღენიშნებოდა. როგორც გაირკვა პაციენტმა საავადმყოფოს მიმართა სამდღიანი თვითმკურნალობის შემდეგ, მას აღენიშნებოდა მაღალი სიცხე, ხველება და სისხლნარევი ამონახველი . საავადმყოფოში შემოსვლიდან ოთხი საათის შემდეგ პაციენტი გაწერეს ოჯახის წევრების თხოვნით , რომელთაც იგი სამკურნალოდ რუსეთში, დაგომისში გადაიყვანეს, თუმცა მისი გადარჩენა იქაც ვერ მოხერხდა.
აბუხბას თქმით, მისი საავადმყოფოს ექიმებს მხოლოდ ვარაუდის დონეზე შეუძლიათ ილაპარაკონ, რომ პახიენტის გარდაცვალების მიზეზი ღორის გრიპია. ,,ჩვენ დავუკავშირდით დაგომისის საავადმყოფოს ექიმებს, მაგრამ მათგან ამის დამადასტურებელი ინფორმაცია არ მიგვიღია. სხვა შემთზვევები რესპუბლიკაში არ დაფიქსიორებულა, აცხადებს აბუხბა.
ოდიში ნიუსი დასძენს, რომ ზუგდიდის საავადმყოფოში დაფიქსირებულია ღორის გრიპით დაავადების სამი შემთხვევა, რომელთაგან ორი ლეტალურად დამთვარდა. სამივე პაციენტი გალიდან იქნა გადმოყვანილი.