სოფელ ნაბაკევში, ხურჩასთან გამავალ საოკუპაციო ხაზთან რუსმა ოკუპანტებმა 20-მდე ქართველი დააკავეს, მათ შორის არის 9 წლის ირაკლი მუშუქიაც. ბავშვი გალში მამასთან ბიძას გადაყავდა.
ოკუპანტებმა 8 დაკავებული, რომელთაც აფხაზური პასპორტები აღმოაჩნდათ, ჯარიმის გადახდის შემდეგ გაათავისუფლეს, დანარჩენები კი, მათ შორის მოზარდიც, წინასწარი დაკავების გალის იზოლატორში გადაიყვანეს.
მომხდარის შესახებ ინფორმაცია მიეწოდა ევროკავშირის სადამკვირვებლო მისიას. გარკვეული დროის შემდეგ ჯარიმის სანაცვლოდ მოგვიანებით გაათავისუფლეს კიდევ ექვსი დაკავებული, დანარცენი ხუთის ადგილსამყოფელი უცნობია. ზოგიერთი ცნობით, ისინი გალში რუსეთის სამხედრო ბაზაზე ყავთ გადაყვანილი.
საზღვართან მომხდარი მასობრივი დაკავება დაკავშირებულია კონტროლის გამკაცრებასთან, რომელიც ოკუპირებული აფხაზეთის შინაგან საქმეთა მინისტრის ლეონიდ ძიაფშბას განკარგულებით ,,რესპუბლიკაში" საახალწლო პერიოდისთვის დაწესდა.
როგორც განკარგულებაშია ნათქვამი, საახალწლო ზეიმების პერიოდში საზოგადოებრივი წესრიგის უზრუნველყოფის მიზნით უწყების ყველა ქვედანაყოფის პირადი შემადგენლობა 28 დეკემბრიდან 10 იანვრამდე გადაყვანილია სამსახურის გაძლიერებულ რეჟიმზე, განსაკუთრებით, საზოგადოებრივი თავშეყრის ადგილებში, საბანკო დაწესებულებების , სამთავრობო შენობების, ყველა საგზაო -სატრანსპორტო მიმართულების დაცვას სასაზღვრო ზოლების ჩათვლით.