პრეზიდენტმა გიორგი მარგველაშვილმა საშობაო- საახალწლოდ 238 მსჯავრდებული შეიწყალა. მათ შორის 18 ქალია და 3 არასრულწლოვანი. შეწყალებულთა დიდი ნაწილი სასჯელს ნარკოდანაშაულის გამო იხდიდა.
შეწყალების კომისიის თავმჯდომარის ზვიად ქორიძის თქმით, საპატიმროს დღესვე 172 მსჯავრდებული დატოვებს. დანარჩენი 66 მსჯავრდებული დარჩება საპატიმრო დაწესებულებებში და მათ შეუმცირდებათ დარჩენილი სასჯელი.
შეწყალებული მსჯავრდებულები შერჩეულ იქნა 1452 საქმიდან .