მთავარისიახლეებისამართალიბრიფინგი მთავარ პროკურატურაში: აღძრულია კიდევ ერთი საქმე თავისუფლების უკანონო აღკვეთისა და წამების...

ბრიფინგი მთავარ პროკურატურაში: აღძრულია კიდევ ერთი საქმე თავისუფლების უკანონო აღკვეთისა და წამების ფაქტზე

Published on

მთავარ პროკურატურაში საგანგებო ბრიფინგი გაიმართა. საგამოძიებო ორგანოს ცნობით, ყოფილი მაღალჩინოსნები თავდაცვის მინისტრის ყოფილი მოადგილე დავით ახალაია, გენერალური შტაბის უფროსის ყოფილი მოადგილე გიორგი კალანდაძე, სამხედრო პოლიციის დეპარტამენტის ყოფილი უფროსი მეგის ქარდავა და შსს კონსტიტუციური უსაფრთხოების დეპარტამენტის აფხაზეთის ავტონომიური რესპუბლიკის მთავარი სამმართველოს ყოფილი უფროსი რომან შამათავა, სისხლის სამართლის პასუხისგებაში მიეცნენ.  შს სამინისტროს სამეგრელო-ზემო სვანეთის სამხარეო პოლიციის ყოფილი თანამშრომელი გიორგი სამუშია დაკავებულია ბრალდებულის სახით.

გამოძიების ინფორმაციით, მათი ორგანიზებით განხორციელდა ელბერდ კობერიძის თავისუფლების უკანონო აღკვეთისა და წამების ფაქტი. – ამის შესახებ ბრიფინგზე პროკურატურის წარმომადგენელმა კოკა კაციტაძემ განაცხადა. 

მისი თქმით, ელბერტ კობერიძეს აწამებდნენ ერთადერთი მოთხოვნით, რომ ეღიარებინა არარსებული ტერორისტული აქტის განხორციელება, თუმცა, მათ არანაირი ოპერატიული ცნობა ამის შესახებ არ გააჩნდათ. კობერიძეს  არც ერთ პოლიტიკურ ჯგუფთან და არც ერთ პოლიტიკოსთან შეხება არ ჰქონია და იყო ჩვეულებრივი მოქალაქე, რომელიც ცხოვრობდა სამეგრელოს რეგიონში. 

თავისუფლების უკანონო აღკვეთისა და წამების ფაქტზე მთავარი პროკურატურის მიერ დაკავებული გიორგი სამუშიას ადვოკატ რომეო საჯაიას ე.წ. მოდულის შენობაში არ უშვებენ. 
როგორც საჯაიამ "ინტერპრპრესნიუსს" განუცხადა, ის ე.წ. მოდულის შენობასთან უკვე რამდენიმე საათია იმყოფება.
საჯაიას შეფასებით, ამით მისი დაცვის ქვეშ მყოფთან მიმართებაში ირღვევა ადვოკატის ყოლის კანონიერი უფლება. 
ამასთან, ადვოკატის განმარტებით, ჯერჯერობით არ გაცნობია არც ბრალდების დადგენილებას და არც დაკავების ოქმს.
"ჩემი ინფორმაციით, საქმე ეხება "აფხაზი ტერორისტის" ცემის ფაქტს, რომელიც ტერაქტის მოწყობაში რამდეჯერმე იყო ეჭვმიტანილი", – განაცხადა ადვოკატმა.
აღსანიშნავია, რომ რომეო საჯაია აღნიშნულ საქმეზე გიორგი სამუშიას გარდა იცავს გიგი კალანდაძის და რომან შამათავას ინტერესებსაც.
რაც შეეხება კიდევ ერთ ბრალდებულ დათა ახალაის, მისი ადვოკატი მალხაზ ველიჯანაშვილი იქნება.
 

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...