საინფორმაციო სააგენტო ,, Абхазия-Информ '' – ის ცნობით, დრანდის საგამოძიებო იზოლატორიდან პატიმარი გაიქცა. ,,გაქცეული არის ბაჩუკი ლატარია, რომელსაც ადამიანების გატაცებაში ედება ბრალი. დაუზუსტებელი ინფორმაციით იგი საქართველოს მოქალაქეა'' – წერს სააგენტო და მკითხველს შეახსენებს, რომ ,,გასულ გაზაფხულს აფხაზეთის სახელმწიფო უშიშროების სამსახურის პრეს–სამსახურმა გაავრცელა ცნობა, რომლის თანახმად 2014 წლის 12 მაისს გალის რაიონში გატაცებულ იქნა სოფელ ჭუბურხინჯის მკვიდრი რევაზ ახალაია. გატაცების ფაქტზე აღიძრა საქმე და სუს – ის თანამშრომლების მიერ გატარებული ოპერატიულ–საგამოძიებო ღონისძიებების შედეგად ცხელ კვალზე იქნა დაკავებული ბაჩუკი ლატარია. ''