გერმანული გამოცემა Die Welt საკუთარ დიპლომატიურ წყაროებზე დაყრდნობით იუწყება, რომ საქართველოსა და უკრაინის მოქალაქეები შენგენის ზონაში უვიზო მიმოსვლას 2016 წლის მეორე ნახევრიდან შეძლებენ. წყაროს ინფორმაციით, ევროკომისიის ანგარიშში დადებითად არის შეფასებული ვიზალიბერალიზაციის სამოქმედო გეგმის შესრულება საქართველოსა და უკრაინის მიერ. ანგარიში 15 დეკემბერს უნდა გამოქვეყნდეს.
გამოცემა აღნიშნავს, რომ უვიზო მიმოსვლის შემოღება საქართველოსა და უკრაინის მოქალაქეებს საშუალებას მისცემს უვიზოდ იმოგზაურონ შენგენის ზონაში შემავალ 26 ევროპულ ქვეყანაში ექვსთვიან პერიოდში მაქსიმუმ 3 თვის ხანგრძლივობით.
ეს ეხება მოგზაურობას და არ ნიშნავს, რომ შეგვეძლება უვიზოდ წასვლა სამუშაოდ და სასწავლებლად, ამისათვის კვლავ სამუშაო და სასაწავლო ვიზების მიღება იქნება საჭირო.