ერთიანი ნაციონალური მოძრაობის წარმომადგენლები ამერიკის შეერთებულ შტატებში, ვაშინგტონში იმყოფებიან. დაგეგმილია მათი შეხვედრები სენატორებთან და კონგრესმენებთან, სახელმწიფო დეპარტამენტის, ასევე არასამთავრობო, კვლევითი ინსტიტუტების წარმომადგენლებთან. შეხვედრების თემები საქართველოში დემოკრატიის მდგომარეობას, საგარეო პოლიტიკასა და ერთიანი ნაციონალური მოძრაობის სამომავლო გეგმებს უკავშირდება.
პარტიის წარმომადგენლები გიგა ბოკერია, დავით ბაქრაძე და გიორგი კანდელაკი , ირმა ნადირაშვილი უკვე შეხვდნენ მაკკეინის ინსტიტუტის ადამიანის უფლებათა და თავისუფლებათა დირექტორს, ამერიკის შეერთებული შტატების სახელმწიფო მდივნის ყოფილ მოადგილეს, Freedom House-ის ყოფილ პრეზიდენტს დევიდ კრამერს, NATO-ში შეერთებული შტატების ყოფილ ელჩს კურტ ვოლკერს, სენატორ მარკო რუბიოს აპარატის წარმომადგენლებს. ასევე საქართველოში აშშ-ის ყოფილ ელჩებს კენეტ იალოვიცსა და უილიამ კორტნის.
დღესვე დაგეგმილია შეხვედრები სენატორებთან ტომ კოტონთან და ჯონ მაკკეინთან, საერთაშორისო რესპუბლიკური ინსტიტუტის(IRI) ვიცეპრეზიდენტ სტივ ნიქსთან და სენატის საგარეო საქმეთა კომიტეტის წარმომადგენლებთან.