დღეს ნარკოტიკის შეძენა-შენახვა-მოხმარების მუხლით დაკავებულ ყოფილ სპეც რაზმელს ზაალ ლატარიას ბრალს წაუყენებენ. სავარაუდოდ, დღესვე გადასცემენ დაცვის მხარეს საქმის მასალებს, ბრალდება კი აღკვეთის ღონისძიების შუამდგომლობით მიმართავს სასამართლოს.
ადვოკატის განცხადებით, ყოფილი სპეცრაზმელი უკანონოდ დააკავეს. ზაალ ლატარია ზუგდიდელია, 2013 წლამდე ძალოვან უწყებებში მუშაობდა.
სამსახურიდან გათავისუფლების შემდეგ კი 8 თვის განმავლობაში უკრაინაში იბრძოდა და უახლოეს დღეებში ისევ აპირებდა წასვლას. ადვოკატების განმარტებით, სწორედ ეს გახდა მისი დაკავების მიზეზი.
დღეს თბილისში დაგეგმილია აქცია მისი გათავისუფლების მოთხოვნით.