საპროტესტო აქცია იმართება ქუთაისში მთავარ პროკურორად ირაკლი შოთაძის წარდგენის გამო. აქციის მონაწილეები პარლამენტთან არიან შეკრებილი.
პროტესტის გამოსათქმელად საკანონმდებლო ორგანოსთან 200-მდე მოქალაქე და ოპოზიციის წარმომადგენელი მივიდა. ისინი გახმაურებული გამოუძიებელი საქმეები გამოძიებას მოითხოვენ.
"საქართველოდან გაყვანილია ყალბი დოკუმენტებით ჩვილი ბავშვები. ყველა მტკიცებულება პროკურატურას გააჩნია. მაქვს შეკითხვა შოთაძესთან, დამისახელოს მტკიცებულება, რომელიც აკლიათ ამ საქმეზე. ასეთ მტკიცებულებას ვერ დაასახელებს შოთაძე, რადგან ყველა მტკიცებულება უკვე არსებობს. იმისათვის, რომ მე ეს კითხვა არ დამესვა, ბესელიამ არ შემიშვა პარლამენტში“, – განაცხადა აქციის მონაწილემ, ასოციაცია „მომავლის იმედის“ თავმჯდომარე თამარ ხაჭაპურიძემ.
აქციაზე განცხადებები ასევე გააკეთეს ნაციონალური მოძრაობის წარმომადგენლებმა.