ორი ადამიანის სიცოცხლე იმსხვერპლა წუხელ გაჩენილმა ხანძარმა ზუგდიდის რაიონის სოფელ ნარაზენში. ცეცხლი, სავარაუდოდ, გვიან ღამით ლოგინში მძინარე სახლის პატრონის ლომინ ბეჭვაიას ჩაუქრობელი სიგარეტის ნამწვმა გამოიწვია. როგორც ჩანს, კვამლისგან გაგუდულმა ბინადრებმა – თავად ლომინ ბეჭვაიამ და მისმა ხანდაზმულმა დამ ნელიმ მეზობლებს ხმა ვერ მიაწვდინეს, ხოლო როცა სოფელმა აალებული სახლი შენიშნა, ცეცხლი უკვე ორივე სართულს ჰქონდა მოდებული, საყრდენი ბოძები ჩანგრეული და შიგ მყოფთა გამოყვანა ვერ მოხერხდა.
ზუგდიდის მუნიციპალიტეტის გამგეობის ადმინისტრაციის ცნობით, ბეჭვაიების დაკრძალვის ხარჯებს გამგეობა გაიღებს.