ნიკა გვარამია და ზაალ უდუმაშვილი საგანგებო ბრიფინგს გამართავენ, სადაც რევაზ საყევარიშვილს და დავით დვალს უპასუხებენ. განცხადება 15:00 საათზე გაკეთდება.
შეგახსენებთ, "რუსთავი 2"- ის დროებითმა მმართველებმა უფლებამოსილება არხის სახეს, ნიკა გვარამიას ყოფილ მოადგილეს ზაალ უდუმაშვილს გადასცეს.
დროებითი მმართველების განმარტებით, ეს გადაწყვეტილება დამფუძნებლებთან კონსულტაციის შედეგად, სირთულეების თავიდან აცილების მიზნით მიიღეს .
დავით დვალის განცხადებით, ამ საკითხზე მან ზაალ უდუმაშვილთან შეხვედრისას ისაუბრა. თუმცა, პასუხი დირექტორის მოადგილისგან ჯერჯერობით არ მიუღია.
მისი თქმით, იძულებით არაფერი მოხდება და ეს გადაწყვეტილებაც იმიტომ მიიღეს, რომ ტელევიზიის ფუნქციონირებას პრობლემა არ შეექმნას.
დავით დვალმა დღესვე განმარტა, რატომ აპირებდნენ დროებითი მმართველობის განხორციელებას.მისი თქმით, ჰქონდათ დადასტურებული ინფორმაცია, რომ ალტერნატიული გეგმები ისახება რუსთავი 2 – ში, საუბარი იყო ალტერნატიული ტელევიზიის შექმნაზე და სამაუწყებლო კომპანიიდან წასვლამდე აპარატურის დაზიანებაზე.
დვალის განმარტებით, მთავარი მიზანია, რომ ორგანიზაციას არ შეექმნას პრობლემა. ამ მოტივით დათანხმდნენ სამაუწყებლო კომპანიაში დროებით მმართველებოს განხორციელებას.